خواطر تويترية حول لقاء الرئيس مع التلفزيون المصري

حتى لا يسبني ابن الرئيس بأني بغل فاني اعتذر عن العنوان المسيء لسيادة الرئيس رئيس جمهورية مصر العربية (ولا اقولكم نستني لحد ما الدستور يطلع ونشوف هتفضل عربية ولا هيقلبوها تاكسي أبيض بعداد حلو كده ومنور ما يركبوش بس الا اللي معاهم فلوس)، واريد ان انبه إلى ان عنوان التدوينة هو “خواطر تويترية حول لقاء سيادة رئيس الجمهورية” خواطر تويترية اقتحمت عقلي وانا اتابع اللقاء الشيق لسيادة الرئيس الدكتور محمد مرسي راعي مصر والمصريين (قصدي البغال).

https://www.youtube.com/watch?v=hhzsqSQ-_xs

والان الي الخواطر وربنا يستر واطلع مش بغل في الأخر، احسن انا بصراحة بحب عيشة البغال:

اولا دا مش مذيع يعمل حوار محترم مع رئيس الجمهورية #حوار_مرسي

مش ملاحظين ان #مرسي على طول بيتدي حواراته بتحية الثورة وشهدائها وجرحها. حد يقولو ان تحية الثورة ان يطلع المعتقلين ويحقق اهدافها #حوار_مرسي

الشعب لن يتحرك الا اذا وجد قيادة حقيقية تتحرك وتعمل لصالحه وليس لمصلحة جماعة بعينها #حوار_مرسي

يا ريتك فعلا تعرف ان فيه دماء ذكية اتت بك الى هذا الكرسي الذي لم تحلم انت ولا جماعتك ان تسيروا من اماما لا ان تجلسوا عليه #حوار_مرسي

حديث #مرسي عن الفساد يخليك تقول ان الراجل ده هيعمل قرد عشان يقضي عليه بس للاسف ما فيش لحد دلوقتي على الاقل لجنة قومية لمواجهته #حوار_مرسي

#مرسي: الناس تحتاج الى الاستقرار ومن يطمئنهم الامن الان لم يعد امنا سياسيا. هو الريس ما بيقراش جرايد ولا ايه #حوار_مرسي

على فكرة يا ريس لو فتحت شباك القصر هتشوف استقرار ما بعده استقرار وهتشوف امن امن يعني، الناس بتتظاهر باللباس دلوقتي #حوار_مرسي

#مرسي: هذا امر يسعدني ان اجد عند الناس امل كبير. يا جماعة الرئيس ما بيطلش من شباك القصر يا اما بيطل بس لازم يغير النضارة #حوار_مرسي

يا جماعة والله المذيع كان حافظ مش فاهم حرام كده وهذا يجعلني اتساءل عن هدف هذا للقاء اصلا #حوار_مرسي

حد يقول للريس ان الديمقراطية ليست انتخابات بس. أ ب سياسة يا ريس #حوار_مرسي

ما لاحظتوش ان الريس اتكلم كتير عن الدولة وواجب الدولة ومسئولبته الشخصية. منطق الدولة وعبادتها واعتبارها الحل مبارك كان بيقول كده #حوار_مرسي

سؤال المذيع للريس “هل ممكن ان نحقق النهضة يا سيادة الريس؟” سؤال ذكي جدا بسم الله ما شاء الله عليك النبي حارسك وصاينك مذيع كفاءة #حوار_مرسي

حديث #مرسي عن التعليم بيفكرني بمقولة مرسي الزناتي الشهيرة “تعليم ده ولا مش تعليم يا متعلمين يا بتوع المدارس” حوار_مرسي

مرسي: “سيبقى التعليم مسئولية الدولة انفاقا واشرافا” ما هو لازم يفضل مسئولية الدولة امال الدولة هتسيطر على المواطنين ازاي #حوار_مرسي

دا احنا طلع عندنا ريس سوبرمان عايش كل حاجة عايش وحاسس كل هموم الوطن والمواطن. يا ريس طل من شباك القصر #حوار_مرسي

#مرسي: حل المشكلات يحتاج الى وقت، طب قولنا ادي ايه واحنا معاك ولا هنقضيها 100 يوم اللي كل شويه واحد من عندكم يقولنا بدات النهاردة #حوار_مرسي

#مرسي: الفساد بدأ من الرأس، احسن حاجة قالها لحد دلوقتي بس هبب الدنيا بعد كده بانه لا يريد اجراءات استثنائية لمواجهته #حوار_مرسي

#الفساد هو حالة استثنائية ولا بد من مواجهته باجراءات استثنائية وهذا ليس معناه عدم اعلاء حكم القانون #حوار_مرسي

#مرسي: لن اتخذ اجراءات استثنائية ولكن اقول للمفسدين اياكم انت تغتروا بان ليس هناك استثناءات، خافوا هما كده #حوار_مرسي

الاحتجاجات مباحة ولكن الاحتجاجات التي تعطل الانتاج تقلل من امكانية الاستجابة للمطالب الاحتجاجات التي تغلق المصانع تعطي صورة سلبية #حوار_مرسي

#مرسي رص قايمة انجازات نمو البورصة ترشيد للطاقة حركة استثمار من الخارج للداخل..لكي يقول في النهاية ان الاضرابات التي يقدرها يجب ان تتوقف

مرسي: “خلال سنتين من الان سيشعر الناس بما نقوم به من حركة”. كمان سنتين #العريان و#البرنس السنتين بدأو من اليوم 21 سبتمبر 2014 #حوار_مرسي

#مرسي: نحتاج ان نصبر مع بعضنا البعض هذا افضل بكثير من ان نمد ايدينا لغيرنا. ممكن تقولنا حضرتك ايه حكاية القرض دي عشان مش فاهم #حوار_مرسي

افهم ان يتحدث #مرسي عن حملة من الزيادات كانجازات له ولكن ان يعتبر زيادة منسوب نهر النيل ضمن هذه الزيادات والانجازات يبقى استغفر الله العظيم

هو كام مرة الريس عاد جملة “انا اتحركت وسافرت حول العالم”. #حوار_مرسي

#مرسي نحن لا نغير من اجل التغيير ولكن نغير كل من نرى ان هناك افضل منه.. او انه لا يشارك في خطة التنمية

#مرسي: القوات المسلحة قامت بدور عظيم في الحفاظ على الثورة ادارت المرحلة الانتقالية وتحملت الكثير وحمت هذه المسيرة. قول النعمة #حوار_مرسي

الجزء الممل في الحوار هو المتعلق بالسياسة الخارجية مش عارف اعلق اقول ايه مش فاهم حاجة اصلا #حوار_مرسي

مش بقولكم مذيع كفاءة: لمست بنفسي والزملاء ومن يعملون بمؤسسة الرئاسة انكم تواصلون النهار بالليل، متى تستريح #حوارمرسي

السؤال الاخير بتاع المذيع بتاع النهار بالليل حسسني ان المذيع واكل شارب نايم في القصر عشان كده لاحظ ان #مرسي يواصل النهار بالليل #حوار_مرسي

#مرسي عايزنا نصبر شوية الفترة الجاية حتى نمتلك الارادة الغذاء الدواء السلاح مش هنعتدي بيه على احد، وبعده كده يا ريس هنعمل ايه؟ #حوار_مرسي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s