اه انا مش كيوت انا بيئة اوييييييييي

خليك كيوت وما تشتيمش انت راجل معاك ماجستير ومحترم ليه تتعامل بالاسلوب البيئة، لسان حال كثير من الذين يعرفونني الان، من الاول عشان نبقى على نور ان مش كيوت انا بيئة اوي وجاي من تحت الجاموسة.

532278_597963043556891_1500647670_n

و عشان نخلص من الهري بتاع موضوع الشتيمة خاصة لرموز السلطة (هذا الشيء الحقير المنحط) والناس تقولك عيب دا انت راجل اكاديمي وممكن تهزئهم بالمنطق وبالاكاديميا. شوفوا بقى يا جدعان خلاصة العبد لله في موضوع الشتيمة كالاتي:
اولا: ابويا بقى الله يصبحه بالخير مكان ما هو قاعد دلوقتي (اكيد دلوقتي قاعد في الارض) علمني ان اللي يحترمني احترمه واشيله فوق دماغي من فوق، يعني اللي يقدرني قيراط هاقدره 24، لو في حد في السلطة والجماعة الوسخة دي بيقدرني او بيقدر حد من الشعب ده طبعا غير الاهل والعشيرة يبقى احنا لازم نقدرهم ونديهم احترامهم، لكن كلهم اوساخ وبيتعاملوا معانا بمنطق سلطوي منحط زيهم بالظبط. فبلاش والنبي المثالية الفارغة دي، انت مش زيهم عشان تعمل زيهم انت راجل محترم ولا زم تعامل الناس بما انت عليه وليس بما عليهم، لا يا عمنا الوسخ ياخد بالجزمة فوق دماغه ودماغ اللي بيتشددله ويتقاله امش يا ابن الوسخة من هنا، انا مش نبي منزل من عند ربنا.

ثانيا: كلام الاكاديميا والحفلطة والظفلطة بتاعت المثقفين دي لما نكون قاعدين في ندوة شعرية ولا مؤتمر اكاديمي في فندق 5 نجوم وقاعدين ندردش وناكل بيض باالبامية نبقي نتكلم اكاديميا وننظّر للاشياء ونتقعر في المصطلحات زي ما احنا عايزين، ننزل الشارع بقى نتعامل بمنطقه، منطق الصراحة وتعويرة الوش ما فيهاش معلش، يعني ما يقابلنيش واحد من الاهل والعشيرة زي اللي كان عند جامعة القاهرة النهاردة وبيقول للمذيع العلق بتاع الجزيرة فيما معناه احنا في التسيعنيات لما كنا بنخرب امن الدولة كان بيتعامل معانا بعنف، فدلوقتي دول بيخربوه فعادي ان الشرطة تتعامل معاهم، ده ما تردش عليه وتقوله يا لك من منافق كيف تقول مثل هذا المفترض انك تكون في اول صفوف المدافعين عن حقوق الانسان ضد تغول الشرطة. ده تروح جايبه قدامك كده وتسكعه قلم على قفاه وتقوله امشي يا خول يا علق منها، انت شكلك اتكيفت من ظباط امن الدولة عشان كده عايزهم يعملوا اللي اتعمل فيك في باقي الناس.

ثالثا: قولي منين اجيب مصطلحات اكاديمية محترمة تصف واقع منحط وحقير ورموز قائمة عليه احقر منه، خلينا نعترف ان الاكاديميا قاصره عن وصف الواقع، يعني ما نشوفش ظاهرة التعريص (تعريص للجيش تعريص للاخوان) اللي تجلت وبرزت في عهد ما بعد الـ 18 يوم الكيوت اللي احنا قضيناهم في ميدان التحرير هنوصفها ازاي تقولي نفاق ما ينفعش تقولي معايير مزدوجة برضوه ما ياكلش، ده تعريص بكل معنى الكلمة، تشوف ابو الامراس ياخد القرار من مؤخرته الصبح ويطلعه من بقه اخر النهار، ده بقي ما تقوليش عليه تردد وايد مرتعشة وعدم خبرة دي شرمطة سياسية بامتياز، بالظبط زي الست اللي فاتحة بيتها دعارة وشرمطة ومسرحة الشراميط بتوعها تقولي لدي روحي هنا تروح هنا ادخلي مع البيه الاوضة تخش مع البيه الاوضة، اهو هو ده بالظبط حال رئيس الجمهورية هو عبارة عن شرموط اللي مسرحه خريت الشاطر وبدعدع يقولوله خد القرار ده ياد يا مرسي في الحته دي ياخد مرسي القرار في الحتة دي بالظبط، طلع يا واد مرسي الاعلان الدستوري يقوم الواد مرسي مطلع الاعلان الدستوري على طول، يا خرفان روحو عند دار القضاء العالي ساندو الاعلان اللي لسه مطلعش ينطلق الخرفان الي دار القضاء العالي. يعني زي ما واحد مرة قالها اللي يزعل من كلمة التعريص ويبقى مبسوط اوي من فعل التعريص يبقى هو اكيد معرص.

يعني باختصار كده مع ينفعش تتعامل مع اشياء حقيرة موجودة في مصر دلوقتي (زي الدولة كلها على بعضها بمؤسساتها زي الداخلية زي الاهل والعشيرة زي مبراراتيه السلطان والدكاترة اللي كنا فاكرينهم محترمين) باحترام لانك بكده هتضفي عليهم صفة الاحترام وهما اصلا منحطين، فالجزاء من جنس العمل. الوسخ يتقال عليه وس،خ الشرموط يتقال عليه شرموط الخول يتقال عليه خول والعلق يتقال عليه علق واللي مصدرها يتقال عليه بسكلته
اه حاجة اخيرة خطوة مهمة لكسر تابووه وهالة القداسة اللي بنتها السلطة حول نفسها في مصر من ايام الفراعنة هى بلغة الشارع كده مرمطة السلطة دي في الشارع والمسح بكرامتها وكرامة امها وكرامة اللي يتشدد ليها الارض، وده عمره ما هايجي بالاكاديميا دا لازم يجي بقلة الادب، والشعب بتاعنا وعى النقطة وده مثال مهم لهذه المرمطة “محمد مرسي يا معرص”
https://www.youtube.com/watch?v=_ESR3-RIJHQ
فبعد ما كان محمد مرسي استبن بقي رسميا المعرص زي ما قال Ashraf El Sherif و Amr Ismail

اما الحق بقى اروح صلاة الجمعة واملي ودني بوساخة الشيوخ المصريين اللي هنا اللي كرهوني في الجامع بقيت اروح خطبة الجمعة في اخر دقيقتين عشان ما اسمعش الخرا اللي بيطلع من بقهم.

قبل ما امشي اهديلكم الفيديو التعريصي ده من احد رموز التعريص المعاصرين عصام سوسته: في اطلالته التعريصية الجديدة عصام سوسته يتحدث عن رموز النظام السابق
http://www.youtube.com/watch?v=EOxZdNMTxug

3 responses to “اه انا مش كيوت انا بيئة اوييييييييي

  1. لـاــ ااااااااااااااااااااااااااااااااااا يــــك
    الواقع المر طفح فى وشنا بمرارته فمش هاينفع تذويق كلام خالص
    لالا اديلوه وعبيلو

    • شكرا على وقتك في قراءة المقالة انا طبعا ما عنديش اي اعتراض على الاختلاف مع بعض قولي ايه اللي انت مختلف فيه معايا وندردش مع بعض
      تحياتي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s